小牧羊同學變身小老師
2017年12月03日.星期日


得閒去飲茶聯同義工組織小牧羊、樂善堂小學的同學、香港基督教使徒信心會恩澤中心的社工及攜手舉辦X’mas Party!在大家的合力佈置下,恩澤中心秒變“聖誕Party中心”,一起玩遊戲及品味港式茶點,最後同學仔變身“小老師”教大家整燒賣黏土,齊齊開心預祝聖誕節!


聖誕Party成60人,點分組好?在主持人的引導下,大家按照自己喜歡的顏色分組,紅藍黃綠,你又中意邊種色啊?

“你最喜歡咩顏色啊?”

“紅色,因為紅色代表熱情和溫暖……”

大小朋友在分享自己最喜歡的顏色及原因,原來顏色還可以代表如此多意義!


以小組為單位領取聖誕飾物。之後大家紛紛開始行動。同學仔、義工、家長一齊動手合作,砌起聖誕樹,又為它穿上掛上繽紛飾物,本來光禿禿的樹變靚曬。在聖誕樹、貼紙、聖誕襪的裝飾下,中心立刻大變身!


話明“得閒去飲茶”,又點少得美味港式點心啊?叉燒包、咸水角、乾蒸牛肉、粉果、各色美味早已“埋位”。當然仲有一出場就即刻“掃”光的四大點心之王-燒賣!無論大小朋友都按組別有秩序地前往取餐,抵讚!

睇得閒去飲茶短片,認識“飲茶”背後的香港文化。“飲茶”、“關愛”、“傳承”是得閒去飲茶背後的理念。


開始整黏土燒賣啦,樂善堂小學的小組長負責將黏土分給各位組員。咪睇燒賣細細只,其實唔易做咖。睇大家做得幾認真。做完燒賣仲要做埋燒賣個點心籠,要求參與者要細心和耐性。

同學仔化身小老師,教其他參與者整燒賣黏土,圖中他正在展示如何將白色黏土(燒賣的芯)的搓成圓柱形。參與者話 “第一次被小朋友教整點心,感覺很特別。‘小老師’好有耐性地講解還會示範”。大讚小老師!

再包上黃色的外皮,一粒小燒賣初具雛形啦。


最後為燒賣捏上皺折,一粒燒賣就基本完成啦!

最後裝上點心盒子,一顆燒賣黏土就完成啦!也有同學仔發揮創意,整一個燒賣超人,下次可以嘗試一下蝦餃怪獸(笑)。


來到飲茶文化搶答環節啦!同學仔紛紛舉手,場面好激烈啊!如何用手勢表達要飲普洱茶,有關牛肉的點心有什麼,當然還有我地今日嘅主角燒賣啦!通過搶答遊戲,大家不僅有得玩有得食,更學習了飲茶點心文化。

感謝小牧羊、樂善堂小學、香港基督教使徒信心恩澤中心的攜手合作,成就這好玩、好食、又有意義的活動。同學仔通過教大家整燒賣黏土,以“小老師”身份為公眾參加者創造的角色轉換體驗,而所有人學了如何製作燒賣黏土之餘,也增加點心酒樓文化的認識。